Interneti vend i rrezikshëm për fëmijët, si u çmontua nga policia rrjeti i pornografisë me të mitur

Një rrjet i pornografisë me të mitur është çmontuar nga policia greke në bashkëpunim me Europol. Pas një investigimi të departamentit të Krimeve Kibernetike në policinë greke me Europol, autoritetet arritën të zbulojnë burimin e 2.5 milionë dosjeve me materiale pornografike me të mitur në rrjetin e zi “Darknet”.
Autori që publikonte materialet pornografike në Darknet u arrestua nga policia helene.
I gjithë krimi bëhej nga shtëpia e të arrestuarit, i cili ngarkonte materialet pornografike të fëmijëve në rrjetin e zi.
I arrestuari është banues në Dhrama, që ndodhet në veri-lindje të Greqisë.
“Autoritetet mbërritën në shtëpinë e të dyshuarit për një hetim, gjatë të cilit u zbulua përfshirja e tij në këtë rast, ndërsa u gjetën dhe konfiskuan 4 hard disqe me një kapacitet total prej 15 Terrabyte”.
Sipas informacioneve bëhet fjalë për një punonjës supermarketi 43 vjeçar. Tronditësh është fakti se sipas policisë në videot porno përfshihen edhe fëmijë të moshës 3 deri në 5 vjeç.
“Një operacion u krye javën e kaluar nga oficerët e policisë së Nëndrejtorit të Prokurorisë së Krimeve Kibernetike të Greqisë Veriore , në kuadër të të cilit u gjet dhe u arrestua një person që zotëronte të paktën 2.5 milionë dosje me materiale pornografike për fëmijë .
Në veçanti, hetimit të çështjes nga Drejtoria e Krimeve Kibernetike, i ka paraprirë përdorimi i duhur i informacionit , i ardhur përmes Europolit të kryer nga autoritetet franceze në fillim të vitin e kaluar.
Në këtë kuadër, dolën gjurmë elektronike të një përdoruesi të internetit në Greqi, i cili zotëronte dhe shpërndante video të materialeve pornografike për fëmijë, përmes faqeve të ndryshme të internetit dhe shërbimeve online.
Nga analiza dixhitale e të dhënave, dolën të dhënat e personit, ndërsa u verifikua vendbanimi i tij, në një zonë të Greqisë së Veriut.
Më pas, punonjësit e Policisë së Nëndrejtorit të Prokurorisë së Krimeve Kibernetike të Greqisë Veriore kanë shkuar për të kontrolluar shtëpinë e personit, gjatë të cilit ka konstatuar përfshirjen e tij në këtë rast, ndërsa janë gjetur dhe konfiskuar 4 hard disqe me kapacitet total 15 Terrabyte.”, njofton policia.