Armando Broja ka firmosur me Bërnlin një kontratë pesëvjeçare, duke kaluar përfundimisht nga radhët e Çelsit te klubi i sapongjitur në elitën e futbollit anglez. Në prononcimin e tij të parë për mediat e klubit, sulmuesi i Kombëtares shqiptare tregoi arsyet që e shtynë të pranonte ofertën që i kishte ardhur.
Armando, mirë se erdhët te Bërnli. Si ndjeheni që sapo keni firmosur një kontratë 5-vjeçare?
Është ndjesi fantastike. Jam padyshim shumë, shumë i lumtur që jam këtu. Mezi pres të filloj, të takoj të gjithë lojtarët, të gjithë, ambientet stëritore janë të pabesueshme. Pra, po, mezi pres të jem në fushë dhe para tifozëve.
Sigurisht e di që Bernli është një klub vërtet i mirë. Ata kanë një mori talentesh të rinj entuziazmues. Mund ta shihni edhe në tregun e transferimeve këtë sezon se kanë shumë talente të rinj dhe emocionues. Sigurisht, edhe unë bëj pjesë në atë kategori. Unë dua të vij dhe, siç thashë, të entuziazmoj njerëzit, të shënoj gola, të bëj punën ime. Dhe po, ndiej se ky është një klub i mrekullueshëm për mua për t’u zhvilluar, për t’u rritur si lojtar, për t’u rritur si person. Është një klub shumë i mirë familjar. Të gjithë janë vërtet shumë të bashkuar dhe mjaft mirë së bashku. Pra, po, mezi pres të jem në fushë
Ju folët pak për faktin e bashkimit, të qënit familje dhe ambientit që trajneri Skot Parker në veçanti, ka krijuar këtu. A ka luajtur kjo një rol të madh në vendimin tënd për të ardhur në një ambient të tillë? A ndjehesh i rehatshëm në të?
Sigurisht. Dua të them që është një nga faktorët më të mëdhenj kudo që bashkohesh, të kesh një mjedis vërtet të mirë. Është një pikë kyçe dhe këtu mjedisi është i mrekullueshëm. E di, të gjithë lojtarët janë të mrekullueshëm, stafi është i mrekullueshëm, trajneri, ambientet. Pra, sikur të gjitha bashkohen për të bërë një copë të vetme. Dhe sigurisht, siç thashë, të gjithë më bënë të ndihem si në shtëpi menjëherë sapo erdha dhe të gjithë më kanë pritur në klub shumë mirë, duke u marrë vesh me të gjithë. Pra, po, është vërtet bukur të jesh pjesë e tij.
Dhe ajo që ndihmon gjithashtu është se po hyn në një skuadër ku njeh disa lojtarë. Sigurisht, Lesli (Ugeçuku) na është bashkuar këtë javë nga Çelsi. Ti njeh edhe Bashin. Fole me disa nga lojtarët përpara se të vendosje të vije këtu?
Po, e bëra. Të gjithë thoshin gjëra të mrekullueshme për klubin. Ata kanë qenë këtu shumë më gjatë se unë, por e njohin klubin shumë mirë dhe e dinë filozofinë e tij, si funksionon dhe si drejtohet. Pra, po, më dhanë një pasqyrë të vogël të tij dhe po, tingëllon shumë mirë. E dini, është një mundësi e shkëlqyer për mua, një mundësi e shkëlqyer për klubin gjithashtu që është përsëri në Premier Ligë ku i takon të jetë, në mënyrë që të bëjë përpara.
Dhe trajneri, Skot Parker, a ishte ai një faktor i madh për ardhjen tënde këtu?
Sigurisht. Dua të them që trajneri është pika thelbësore, stili i tij i futbollit dhe mënyra se si sillet me lojtarët dhe personi që është. Të gjithë thonë gjëra shumë të mira për të dhe ai është një person shumë i mirë, kështu që është shumë i lehtë për të folur me të, e lehtë për t’u marrë vesh. Por është shumë kërkues në të njëjtën kohë, kështu që kjo është ajo që ju nevojitet, të duhen të dyja anët. Dhe po, sigurisht që ai luajti një rol të madh në vendimin tim.
Jemi këtu të premten një javë para fillimit të sezonit, kanë mbetur edhe tetë ditë, a ka filluar emocioni përpara kësaj? Do të jetë një vizitë te Totenhem, një nga rivalët e Çelsit gjithashtu. Ndoshta pak më shumë ngacmuese për ty?
Po, dua të them se është gjithmonë e këndshme të luash kundër Totenhemit dhe në këto ndeshje të mëdha. Pra, po, është një fillim i mrekullueshëm, siç thashë, E dimë që është një ndeshje e vështirë në fillim, por me siguri do të hyjmë në të me besim dhe duke u përpjekur të marrim tre pikët. Do të ishte një fillim i mrekullueshëm të fitonim, për të marrë tre pikët në tabelë dhe për të vazhduar nga aty. Por po, me siguri do të jetë një vit emocionues.
Emri juaj është lidhur me ne gjatë dy javëve të fundit. Kjo i ka entuziazmuar tifozët e Bërnlit. Pra, së fundmi, cili do të ishte mesazhi juaj për ta përpara se të debutoni shumë shpejt për klubin?
Unë thjesht dua të falënderoj të gjithë tifozët padyshim për mbështetjen dhe jam i entuziazmuar që jam këtu. Pres me padurim t’ju entuziazmoj edhe unë ju.
gijotina.com/
Discussion about this post