Intervistat që Kylian Mbappe dha për ‘RMC Sport’ dhe për “L’Equipe”, ku tha se i kishte kërkuar klubit të PSG-së ta shiste, kanë krijuar mjaft tensione.
Duket se ato intervista kanë qenë të paautorizuara nga klubi parisien, nga ku mësohet se te të gjithë tashmë ekziston frika për pasojat që mund të sjellë në dhomën e zhveshjes.
Madje nga mediat francez nga mediat francez raportohet se tifozët e PSG-së janë acaruar aq shumë nga deklaratat e lojtarit sa mund të ndodhë që ta tallin në ndeshjen në shtëpi.
Ndërsa drejtori sportiv i PSG-së, Leonardo ka reaguar në lidhje me deklaratat e Presidentit të Real Madrid, Florentino Perez, i cili bëri me dije se në janar do të fillojë negociatat me lojtarin edhe pse më pas i përgënjeshtroi fjalët e tija duke thënë se ajo është një dëshirë e tija.
Ato deklarata janë konsideruar si mungesë e thellë respekti nga ana e Perez për klubin parisien.
“Fjalët e Florentino Perez janë vetëm mungesa e shumëfishtë e respektit ndaj PSG dhe Mbappe. Së pari një lojtar i Real (Benzema), pastaj trajneri dhe tani presidenti flasin për Kylianin sikur të ishte njëri prej tyre. Është një mungesë respekti që nuk mund të tolerohet. Unë do të doja t’i kujtoja Florentinos se tregu është i mbyllur, se është një sezon duke u zhvilluar. Ka lojëra për të luajtur dhe Real Madridi nuk mund të vazhdojë të sillet kështu. Ndalohet! Kylian është një lojtar i PSG dhe marrëdhënia do të vazhdojë”.-tha ai për “L’Equipe”.
Ndërsa rikujtojmë se Mbappe e tha më në fund publikisht që ky është sezoni i tij i fundit te PSG-ja./K.T./Gijotina.com
