“Dritë hijet e industrisë italiane të këpucëve” qe tema e emisionit “Presa diretta” në RAI 3, transmetuar një ditë më parë në kanalin televiziv italian RAI, ku në fokus ishin dhe fabrikat e këpucëve të sipërmarrësve italianë, hapur në Shqipëri. Çdo vit në botë prodhohen 2.3 miliardë këpucë, 66 milionë këpucë në ditë.
Po si është e mundur që markat më të mira të modës po faturojnë miliarda e firmat e vogla janë në vështirësi?
Qendrat më të rëndësishme të përpunimit të lëkurës gjenden në Itali e çfarë im pakti kanë për ambientin?
E certifikata që duhet të kujdeset për të gjithë linjën e prodhimit a garantohet?
Sa është kosto e vërtetë e një palë këpucë italiane?
Me titull “Guraleci në këpucë”, tema e emisionit të radhës së gazetarit Riccardo Jacona, ka udhëtuar në Shqipëri për të dokumentuar fabrikat italiane të këpucëve me punëtorë shqiptarë.
“Mijëra punëtorë shqiptarë qepin këpucët më të mira italiane me një rrogë urie e pa asnjë të drejtë” rrëfen ky reportazh.
“Punojmë për 1 euro në orë rrëfejnë punëtoret shqiptare” për gazetarët italianë.
Por si funksionojnë tenderat e ndër tenderimit për prodhimin e markave më të mira të këpucëve italiane në Shqipëri?
