Flukset e ndërtimit në Tiranë kanë tërhequr vëmendjen e medias italiane RAI 3, e cila shkruan se Tirana po përjeton një bum ndërtimor të paprecedentë, me çmime që në disa zona kanë arritur tashmë nivelin prej 5.500 euro për metër katror njejtë si në Milano.
Media italiane shkruan se ky ndryshim ka ardhur në pjesë të madhe falë ndikimit të Edi Ramës, i cili shërbeu si kryetar bashkie për 11 vite përpara se të bëhej kryeministër.
Në ivestigim përmenden edhe arkitektë të njohur italianë. Konkretisht thuhet se një pjesë e rëndësishmë e Tiranës së re, është projektuar nga dy arkitektë të famshëm italianë, Marco Casamontri, i cili përveç stadiumit ka realizuar dhe projektin Alban Tower, dhe Stefano Boeri, krijuesi i Blocku Cube dhe sisa pallateve të tjera madhështore në ndërtim. Por ndërsa kontributi artistik i Italisë në bum-in ndërtimor shqiptar është i dukshëm për të gjithë më pak e qartë është origjina e parave, me të cilat po ndërtohen të gjitha këto qiellgërvishtës në Tiranë.
Në lidhje me këtë fakt investigimi arsyeton se në Itali dhe në pjesën tjetër të Europës, sektori i pasurive të paluajtshme bazohet kryesisht në kredi bankare, ndërsa në Shqipëri dhe në Tiranë ndodh e kundërta. Sipas të dhënave të Bankës Qëndrore, nga 3.7 miliardë euro të investuara në ndërtim, nga sistemi bankar zyrtar vijnë vetëm 846 milionë euro, pra rreth 20%. Hijet e mafias shqiptare janë shtrirë edhe mbi kullën më futuriste në ndërtim: Exposita Building, e familjes Mata, djali I së cilës Ervin Mata është arratisur në Amerikën e Jugut, pas hapjes së një hetimi për trafik droge.
Shqipëria del në fund të listës për raportin e çmimeve të apartamenteve ndaj të ardhurave në 36 shtete të matura. Banesat brenda zonës së verdhë të ndërtimit ofrohen me çmime shitje mbi 1,500 euro për metër katror. Ndërsa në zonat e qendrës dhe brenda Unazës së Vogël nuk gjen më apartamente me çmime nën 2,000 euro për metër katror dhe sa më shumë i afrohesh qendrës çmimet arrijnë në 3-4 mijë euro/metër katror. Në zonën pranë liqenit dhe në kullat në qendër të Tiranës, çmimet fillojnë nga 5 mijë euro për metër katror. Tregu po zien nga pikëpyetjet e shumta në lidhje me të ardhmen e tregut imobiliar, por ede nuk dihet si se do të ndryshojë situata./Report
Discussion about this post