Kryeministri Edi Rama ka reaguar ditën e sotme nëpërmjet një video mesazhi në lidhje investigimin e emisionit Rai3, ku akuzohet kryeministri Rama dhe qeveria e tij si të përfshirë në krime dhe abuzime.
“Po për mua cenimi me gjysme të vërteta i Shqipërisë në gjuhë të huaj, nga cilido qofte e sidomos nga vendet fqinje, ku jeton edhe pjesa më e madhe e shqiptarëve të Europës, është një sulm mbi emrin, mbi nderin, mbi flamurin tonë kombëtar, mbi çdo shqiptar dhe pike. Kush e bën duhet ta mësoje se koha kur shteti shqiptar, qeveria, kryeministri i Shqipërisë, rrinin si skutha qe bënin te fortin me te dobëtit këtu brenda dhe te menderosurin para te huajve ka vdekur.
U habiten gazetaret e Reportit qe unë jo nuk i ika asnjë pyetjeje, po e kërkova vete, publikisht ballafaqimin me ta. Thanë që këtë politikanet e tyre nuk e bëjnë dhe e quajtën kurajo të madhe, po në fakt e imja s’është kurajo, është krenari për Shqipërinë dhe për emrin shqiptar. Shqiptarët e Italisë, Greqisë e kudo tjetër, nuk kane për të qenë kurrë vetëm sa të jem unë këtu, përballe asnjë cenimi të emrit shqiptar. Kanë vuajtur boll për ta ngritur kokën dhe as ata, as Shqipëria nuk e ulin me kokën.
Ne i dimë më mirë se kushdo edhe plagët, edhe problemet, edhe të metat e dobësitë tona. Luftojmë përditë me to. Po kush hedh baltë mbi Shqipërinë e mbi shtetin shqiptar, duke na treguar edhe me gisht siç bënin dikur që s’u linin kusur shqiptarëve, duhet e do ta marrë kurdoherë përgjigjen tonë. Me pune dhe me fjale. Me vepra dhe me krenari sa here flasim për Shqipërinë.
Ata thanë që nuk e kishin me Shqipërinë e me popullin shqiptar. Po ama dëmin ia bënë Shqipërisë dhe shqiptarëve edhe nëse nuk ishin nisur me këtë mendim”, tha Rama.
Discussion about this post