“Investim në paqe”, Varhelyi komenton integrimin e Ballkanit Perëndimor në BE

Komisioneri për zgjerim, Oliver Varhelyi ka përmendur rëndësinë integrimit në BE të rajonit të Ballkanit Perëndimor gjatë Konferencës për të Ardhmen e Europës.

Varhelyi shkruan në Twitter se rajoni është një pjesë integrale e Europës dhe BE-së, ndërsa po ashtu, shtoi se zgjerimi i BE-së është një investim gjeopolitik.

“Në diskutimin e “Konferencës për të Ardhmen e Evropës” sot në Budapest: Ballkani Perëndimor është pjesë integrale e Evropës dhe duhet të përfshihet në diskutimet tona për të ardhmen e Evropës. Është e ardhmja jonë e përbashkët. Dhe zgjerimi i BE-së është një investim gjeopolitik i favorshëm në paqe, stabilitet, prosperitet, botë demokratike,” shkruan komisioneri.