Interi i Milanos arriti një fitore magjike mbrëmjen e kësaj të diele, teksa në “Giuseppe Meazza” mposhti Fiorentinën, me rezultatin e thellë 4 me 0, duke “hipotekuar” vendin e parë të kampionatit pas 3 takimesh.
Mirëpo, fitorja e nën-kampionëve të Europës nuk është e vetmja arritje, mbrëmjen e sotme, pasi në fushë zbriti gjithashtu dhe talenti i Kombëtares shqiptare, Kristjan Asllani, për të cilin disa fjalë i tha dhe tekniku Simone Inzaghi, me këtë të fundit që duket të jetë i bindur për cilësitë e lojtarit.
“Klassen ka zhvilluar vetëm një stërvitje me skuadrën, ndërsa Pavard dy. Doja ta përfshija, por preferova të aktivizoj Asllanin pasi e meriton dhe është një djalë te i cili kam shumë besim”,- u shpreh tekniku italian.
Tashmë, pritet nga të gjithë tifozët e Interit, kryesisht ata shqiptarë, që Asllani të aktivizohet më rregullisht nga ana e Inzaghit.
Discussion about this post