Simone Inzaghi e shikon derbin e Italisë kundër Juventusit si një mundësi për të përcjellë një mesazh për forcën e Interit te kundërshtarët. Tekniku italian, në konferencën e zakonshme për shtyp, theksoi se kampionët e fuqisë duan vetëm tre pikët, pasi derbi i Italisë nuk është një ndeshje si të tjerët.
“Ndeshja kundër Juventusit është gjithmonë e rëndësishme, por këtë vit është ajo e duhura për t’u dhënë një sinjal të gjithëve. Pres rezultatin maksimal. Duhet të bëjmë paraqitje të mira, me inat dhe karakter duhet të kërkojmë të bëjmë më shumë.
E dimë ku ishim para 7 ndeshjesh, para se të humbnim pikë. Duhet të bëjmë një ndeshje të madhe përballë një kundërshtari me shumë vlera dhe në një stadium të vështirë. Do të luajmë me personalitet dhe karakter. Pres të marrim rezultatin maksimal.
Paraqitjet e mira nuk kanë munguar edhe të dhënat e fundit e tregojnë. Krijojmë shumë, por kemi marrë vetëm 7 pikë në 7 ndeshjet e fundit. Duam fitoren sepse na presin 9 finale, por ndeshja kundër Juventusit është gjithmonë ajo më e rëndësishmja për ne.
Ky është derbi i Italisë, nuk është njësoj me ndeshjet e tjera dhe ndihet më shumë. Duhet të bëjmë një ndeshje të madhe në Torino dhe rezultati do të ndikojë shumë, si në renditje, ashtu edhe në moralin e skuadrës”.
Discussion about this post