Simone Inzaghi, trajneri i Interit, ka dalë para mediave në prag të ndeshjes që skuadra e tij luan kundër Sampdorias. Titulli kampion nuk është në duart e tyre, por thekson se duhet të fitojnë ndeshjen e tyre dhe të presin se si del Milani kundër Sassuolo në transfertë.
“Ka qenë një sezon me ngjyra, jo bardhezi si disa të tjerë mendojnë. Kemi fituar kupa, kemi zhvilluar një lojë të bukur, arritëm deri në fazën e 1/8 në Champions dhe jemi këtu për të luajtur për titullin kampion deri në ditën e fundit të kampionatit. Janë edhe 90 minuta për t’u luajtur në mënyrë të madhe që të mos kemi pendesa. E dimë se nuk varet më nga ne. Duhet të arrimë në 84 pikë dhe më pas do të shohim se çfarë do të ndodhë”.
Ne duhet të përqendrohemi vetëm në atë që varet nga ne dhe kjo është ndeshja me Sampdorian. Mund të them vetëm që skuadra ka bërë një sezon fantastik dhe jam shumë i lumtur. Do të jetë e jashtëzakonshme nëse fitojmë edhe titullin nesër, por jemi të qartë me veten se ne kemi dhënë gjithçka dhe i kemi dhënë kënaqësi publikut”.
“Krahasimet me Conte? Nuk më shqetësojnë aspak, unë kam një raport të shkëlqyer me të dhe është diçka reciproke. Ka bërë një punë të shkëlqyer këtu. Ky është një krahasim normal, por unë nuk i kushtoj rëndësi. Shikoj vetëm atë që më ka dhënë skuadra dhe klubi në rrugëtimin e këtij sezoni. Ka qenë një vit i mrekullueshëm pavarësisht se çfarë do të ndodhë nesër”, u shpreh Inzaghi.
Discussion about this post