Inter fitoi këtë fundjavë kundër Romës me rezultatin 3-0 në Stadio Olimpico. Një sfidë e vështirë kjo që në përfundimin e saj pa zikaltërit të triumfonin kundër skuadrës së Murinjos.
I pyetur nga mediat rreth paraqitjes së skuadrës tij, trajneri Simeone Inzgahi u shpreh:
“Kemi luajtur një ndeshje të mirë. Deri më tani Roma kishte humbur vetëm me Milanin në shtëpi. Nuk i kisha njohur këta lojtar personalisht. Nuk e dija sesi punonin, por jam me fat që jam trajneri i tyre. Ishim përgatitur që ta përballonim sa më mirë këtë sfidë”.
“Do të shohim gjendjen e lojtarëve pas ndeshjes, por Korrea më shqetëson më shumë. Lautaro ishte i gatshëm sot por nuk ishte rikuperuar plotësisht pas ndeshjes me Specian”.
“Do të shkojmë të luajmë lojën tonë, duke ditur që kemi bërë diçka të rëndësishme në Champions. Shpresoj të rikuperojmë sa ma shumë lojtarë”, u shpreh trajneri.
Pas triumfit kundër Romës, tani Interi shkon në kuotën e 37 pikëve, vetëm një më pak se Milani kryesues i Seria A.
Discussion about this post