Simone Inzaghi, trajneri i Interit, në prag të ndeshjes kundër Romës ka dalë para mediave dhe ka folur për shumë çështje: “Kemi përballë një nga skuadrat më të forta të Serie A, që drejtohet nga një trajner i madh që të gjithë ia dimë rrugëtimin në Itali e Europë.
Ata janë në një moment të shkëlqyer, nuk kanë humbur në kampionat që nga janari kundër Juventusit dhe duhet përqendrim i madh. Për ne do të jetë një ndeshje e rëndësishme, një finale”.
“Fitorja ndaj Milanit na dha më shumë bindje, na dha një tjetër finale. Nuk kemi humbur, morëm më pak pikë në një periudhë të caktuar dhe tani duhet të mbyllim sezonin në mënyrën më të mirë.
E dimë që duhet një muaj që të mbyllet gara dhe do jetë kalendar i ngjeshur. Duhet vendosmëri kundër Romës. Deri në fund do të gjejmë kundërshtarë që do të na krijojnë vështirë. Na presin gjashtë finale”.
“Polemikat për arbitrin Simone Sozza? Unë mendoj vetëm për finalen që kemi arritur. Arbitrat tanë janë nga më të mirët në Europë, por sigurisht që mund të bëjnë gabime. Gjatë kampionatit mendoj se episodet kundër dhe në favor janë të ndërlidhura”.
Discussion about this post