Filippo Inzaghi ish-sulmuesi kampion i botës në vitin 2006, publikoi këtë të martë autobiografinë e tij të titulluar “Momenti i duhur”, ku ka pasqyruar disa momente të karrierës së tij futbollistike.
Ndër të cilat pikën e fundit, atë të vitit 2012, pas përfundimit të sezonit të 10-të me Milanin.
“Ishte Massimiliano Allegri ai që i dha fund karrierës sime. Unë dhe Milani kishim një marrëveshje për të rinovuar për një vit dhe prania ime në dhomën e zhveshjes do të kishte qenë shumë e rëndësishme.
Bëhet fjalë për një klub të madh që në një moment kishte humbur Maldinin, Pirlon, Nestan, Gattuson dhe Seedorfin. Figura me peshë të madhe dhe që lanë një boshllëk të madh.
Nuk bëra asnjë kërkesë për rinovim, por Allegri nuk donte që unë të isha atje dhe u tha drejtuesve që të mos vazhdonin me rinovimin. Ishte një tronditje për mua”, ka zbuluar ish-sulmuesi, i cili shënoi 126 gola në 300 ndeshje për “Djallin”./SSA
Discussion about this post