Megjithëse jemi mësuar që butonin e kuq të mbylljes së telefonatës në iphone ta kemi në qendër të pjesës së poshtme të ekranit, pozicioni i tij planifikohet të ndryshojë shumë shpejt.
Versioni i 5-të beta i iOS 17 ka lejuar përdoruesit e iPhone të testojnë vendndodhjen e re të butonit të mbylljes së telefonatave, në cepin e djathtë poshtë.
Shumica e telefonave modernë, duke përfshirë Android, e kanë butonin për mbylljen e telefonatave në qendër të ekranit, pasi është lehtësisht i dukshëm dhe i aksesueshëm.
Përtej ndryshimit të pozicionit të butonit të mbylljes së telefonatave, sipas “Geek Room” ka edhe ndryshime të tjera në vendosjen e shërbimeve të tjera gjatë thirrjeve kanë qenë të pranishme në versionet e kaluara të iOS.
Butonat “Mute” dhe “Speaker”, për shembull, janë ndërruar me njëri-tjetrin – ashtu si opsionet “FaceTime” dhe “Keypad”.
Dhe duket se shërbimi që ju lejon të kërkoni për kontakte është bashkuar me opsionin “Add call”.
Ndryshimet kanë marrë tashmë reagime në rrjetet sociale, dhe shumë përdorues tregojnë se është vetëm çështje kohe para se të krijoni një kujtesë të re muskulare.
Është e paqartë nëse këto ndryshime në seksionin e thirrjeve do të do të jenë të pranishme dhe në versionin zyrtar të iOS 17./Iconstyle
Discussion about this post