Irani ka kërcënuar se do të mbyllë plotësisht Ngushticën e Hormuzit për transportin e naftës, nëse vendet fqinje përfshihen në atë që Teherani e cilëson si “luftë ekonomike” të Shteteve të Bashkuara kundër tij.
“Nëse ata ndërmarrin një veprim të tillë, nuk do të lejojmë as edhe një pikë nafte të kalojë nga Gjiri Persik. Nafta nuk do të dalë as përmes Ngushticës së Hormuzit dhe as përmes Gjirit Persik”, deklaroi Mohsen Rezaei, kreu i Këshillit të Lartë të Sigurisë Kombëtare të Iranit.
Aktualisht, Teherani vijon të lejojë kalimin e disa cisternave irakiane përmes Hormuzit, por Rezaei paralajmëroi se kjo mund të ndryshojë nëse vendet e rajonit mbështesin politikën ekonomike të presidentit amerikan Donald Trump kundër Iranit.
Në një deklaratë për mediat, Rezaei u shpreh se Irani është i vendosur të “neutralizojë luftën ekonomike” me Shtetet e Bashkuara.
“Amerika është e zënë në qoshe. Ose do të respektojë angazhimet e saj, ose do të detyrohet të luftojë për të dalë nga kjo situatë, gjë që do ta përkeqësojë edhe më tej gjendjen”, tha ai.
Zyrtari iranian foli gjithashtu për eksportet e naftës, duke pretenduar se Irani ka eksportuar rreth 70 milionë fuçi gjatë një ose dy muajve të fundit, pavarësisht kufizimeve amerikane.
Discussion about this post