Irani: Zgjerimi i luftës në Gaza është i pashmangshëm

Ministri i Jashtëm iranian, Hossein Amirabdollahian deklaroi se zgjerimi i fushës së luftës në Gaza është i pashmangshëm.

Deklaratën, Amirabdollahian ia tha homologut të tij nga Katari, Sheikh Mohammed Bin Abdulrahman Al Thani, gjatë një bisede telefonike mbrëmjen e së enjtes, shkruan Al Jazeera.

“Për shkak të zgjerimit të intensitetit të luftës kundër banorëve civilë të Gazës, zgjerimi i fushës së luftës është bërë i pashmangshëm,” theksoi ministri i jashtëm iranian.

Irani ka paralajmëruar vazhdimisht për kërcënimin e përshkallëzimit rajonal, duke i thënë Izraelit se duhet të tërhiqet nga sulmi ndaj Gazës.