Herdecke, Gjermani – Iris Stalzer, kryetarja e re e bashkisë në qytetin gjerman Herdecke, është gjetur e plagosur rëndë në apartamentin e saj, sipas raportimeve të Deutsche Welle (DW). Politikania socialdemokrate ka marrë rreth 13 goditje me thikë dhe ndodhet në gjendje kritike për jetën.
Ngjarja e rëndë ndodh vetëm pak ditë pas fitores së saj në zgjedhjet lokale të 28 shtatorit, ku ajo siguroi 52.2% të votave, duke mposhtur kandidatin e CDU-së, Fabian Conrad Haas.
Stalzer, 57 vjeç, është nënë e dy adoleshentëve dhe juriste me përvojë të gjatë në politikën vendore të Herdecke-s — një qytet i vogël dhe historik me rreth 20 mijë banorë në landin e Renanisë Veriore-Vestfalisë.
Lidhur me ngjarjen, kancelari federal Friedrich Merz (CDU) shprehu tronditjen dhe shqetësimin e tij të thellë, duke dënuar sulmin si akt të papranueshëm dhune.
Autoritetet gjermane kanë nisur një hetim intensiv për zbardhjen e rrethanave dhe motivit të këtij sulmi. Deri tani, nuk ka informacione zyrtare mbi autorin apo autorët e dyshuar.
Ngjarja ka tronditur jo vetëm komunitetin lokal, por edhe politikën gjermane, ku sulmet ndaj zyrtarëve publikë janë bërë gjithnjë e më të shpeshta vitet e fundit.
Discussion about this post