Kryetari i Partisë së Lirisë, Ilir Meta është shprehur me ironi se falë qeverisë së Partisë Socialiste, Shqipëria mban vendin e parë në rajon për nivelin e korrupsionit.
Përmes një reagimi në faqen e tij në Facebook, Meta shkruan se rreth 2/3 e popullsisë ka vështirësi për të përballuar jetesën.
Ai shtoi se në raportet ndërkombëtare, indeksi i rritjes së korrupsionit në vendin tonë, ecën paralelisht me indeksin e rritjes së varfërisë.
Reagimi i Metës:
Indeksi i rritjes së korrupsionit ecën paralelisht me indeksin e rritjes së varfërisë. Falë “Rilindjes” jemi të parët për korrupsion në kontinent dhe rajon ndaj jemi të parët edhe për nivelin e varfërisë dhe pamundësisë të dy të tretave të popullsisë për të përballuar jetesën. Vetëm Ndryshimi, çkapja e shtetit dhe rivendosja e Llogaridhënies lufton varfërinë dhe rikthen shpresën për familjet shqiptare!
Discussion about this post