Policët bashkiakë të Erion Veliajt janë rikthyer sërisht në aksion. Këtë herë kanë finalizuar me sukses “operacionin” e koduar Katuni. Objekt i operacionit, sikundër duket edhe nga video e mëposhtme, është një nënë, që siç duket ka menduar të shesë ndonjë produkt nga kopshti i saj.
E ku ta dijë nëna, që ajo çanta me një qese me sallatë, disa kokrra vezë, e ndonjë perime tjetër, konsiderohen të paligjshme nga Policët e Lalit, që siç shihet nga pamjet duket se kanë nën kontroll situatën.
‘Operacioni “katuni”! Finalizohet me sukses sekuestrimi i plot 30 kokrra vezë fshati, 20 litra qumësht bio, 5 kg sallatë jeshile, dhe pras i freskët’, shkruan aktivisti Klajdi Bello, i cili ironizon policët e Erion Veliajt.
Discussion about this post