Kryeministri Edi Rama nuk ka kursyer ironinë në drejtim të deputetëve të opozitës që prej 1 muaji kanë nisur një aksion në Parlament, duke mos lejuar zhvillim normal të seancave plenare dhe Komisioneve Parlamentare.
Por kjo situatë duket se nuk e ka shqetësuar aspak Kryeministrin, i cili nga Dibra, nuk ka lënë asnjë shans që me opozitën mund të dialogojë për ti kthyer të drejtën e komisioneve hetimore, sikundër pretendojnë ligjvënësit e saj, që e akuzojnë Edi Ramën se po shkel mbi Kushtetutën dhe vendimet e Gjykatës Kushtetuese.
Rama ka zgjedhur të ironizojë deputetët e opozitës, duke u shprehur se dikur ata ishin dema, ndërsa sot e dini vetë se çfarë janë.
“Sot nuk dihet më ku e kanë kokën dhe ku i kanë këmbët, duart, dihet vetëm ku e kanë mendjen. E kanë te 7 penxheret. Nuk i ndihmojmë dot!”, tha Rama.
Discussion about this post