Dy të rinj janë përfshirë në një aksident të rëndë në Korinthi të Greqisë dhe aktualisht ndodhen në spital në intubim. Të dy po ktheheshin nga spitali, ku vizituan një miken e tyre që po ashtu ishte aksidentuar një ditë më parë, kur ngjarja e rëndë ndodhi, shkruajnë mediat greke.
Ngjarja ka ndodhur në Autostradën Kombëtare të Vjetër Korinth – Athinë. Dy të rinjtë kanë humbur kontrollin e makinës, pasi kanë vizituar më parë shoqen e tyre 22-vjeçare e cila ka lëndime në të gjithë trupin.
Ata u përplasën me hekurat mbrojtëse të autostradës dhe si pasojë janë plagosur rëndë. Ata janë transportuar me autoambulancë në Spitalin e Përgjithshëm të Korintit, ku qëndrojnë të intubuar.
Discussion about this post