Teksa kryeministri Edi Rama doli sot për të publikuar me iniciale disa persona, që sipas tij u arrestuan pasi kryen akte të dhunshme në protestë, ka reaguar edhe Sali Berisha, i cili në një komunikim me gazetaret, ironizoi kreun e qeverisë, duke i nxjerr emrat e deputeteve apo ministrave që kanë probleme me drejtësinë.
Berisha u ndal te ish-zv kryeministrja, Belinda Balluku, për të cilën tha se është anëtarja kryesore e organizatës kriminale të Edi Ramës, e akuzuar për 6 dosje.
“LB, Lubi Balluku anëtarë më kryesore e organizatës kriminale të Edi Ramës, e akuzuar vetëm për 6 dosje 36 vite burg në bashkëpunim me palloshin e gjatë. Ke fytyrë të dalësh dhe të përmendësh emra ti.
IB, Ilir Beqja, i cili bashkë me Ramën vodhi mbi 300 mln euro në koncesionet e shëndetësisë. I pangopur.
Lali vjedhësi që u thoshte qytetarëve shqiptarë se ka mbjellë 1 mln pemë në Tiranë dhe se faturonte pishat me 6500 euro fidani. Lali vjedhësi që firmoste për djegësit e Tiranës 130 mln euro dhe nuk ekziston gjurmë e tij. Po ky lali vjedhësi që me bandën e 5D vidhte prokurimet publike të bashkisë”, tha Berisha.
Discussion about this post