Drejtuesi i Departamentit të Mjedisit në Partinë Demokratike Jamarbër Malltezi ka reaguar me një postim në facebook pas vendimit të komisionit të ligjeve të Bashkisë Tiranë që të kalojë në rendin e ditës kërkesa për shkarkimin e Erion Veliajt.
“Tani mbetët vetëm që të dalë Erion Veliaj të deklarojë, “Partia ime më dënon” dhe kthehemi 45 vjet prapa”, shkruan Malltezi në postimin e tij.
Këshilli Bashkiak i Tiranës do të mblidhet sot në orën 16:00 për të shqyrtuar kërkesën për shkarkimin e Erion Veliajt nga detyra e kryebashkiakut.
Mësohet se këshilltarët socialistë kanë bërë gati projekt-vendimin për shkarkimin e kryetarit të bashkisë Tiranë, Erion Veliaj, i cili ndodhet në paraburgim prej arrestimit të tij në 10 shkurt të këtij viti.
Në orën 10:00 u mblodh Komisioni i Çështjeve Ligjore dhe Drejtësisë Sociale ku u rrëzua kërkesa e Veliajt për të qenë prezent në mbledhjen e sotme.
Discussion about this post