Deputeti i Partisë së Lirisë, Petrit Vasili ka publikuar vendimin e dënimit të kryebashkiakut të Kuçovës, Kreshnik Hajdari, në Greqi. Një ditë pas publikimit të lajmit, Vasili ka postuar dokumentin krahas të cilit shkruan se kandidatëve të Rilindjes u ‘skadon’ memoria kur vjen puna tek këto ngjarje.
Me nota ironie ai shprehet se në gjithë atë Kuçovë me njerëz të respektuar, Rama shkon e zgjedh një të dënuar.
Postimi:
Në Kuçovën plot me njerëz të ndershëm e punëtore Ramës dora i shkon vetëm te një i dënuar si ky Hajdari.
Ky Kreshnik Hajdari i mban mend të gjitha edhe tenderat fët e fët, edhe politikën, por që është dënuar në Greqi nuk e mban mend .
Përfundimisht je i madh Edi Rama, ku i kap mor shejtan gjithmonë këta Kandidatët për faqe të zeze.
Çudi e madhe me këta kandidatët e rilindjes, gjithmonë memorja nuk ju punon kur vjen puna tek dënimet ose tek emrat, që ndërrojne apo zullumet e tjera….që bëjnë.
Të lumtë Edvin, vetëm për këtë s’të arrin dot opozita, që gjithmone vë nga këta kandidatet “pa vlere” si profesorë, mjekë, intelektualë, ushtarakë e njerëz të ndershëm.
Edi, ti mos ju nda vëlla këtyre kandidatëve me nga dhjete emra e me një thes dënime, që gjithmone i harrojnë se kujtesën jua ka prishur Saliu.??
P.S Me qe ky Hajdari s’ka memorje ja ku e ka vendimin e dënimit në Greqi dhe formularin e dekriminalizimit ku ka gënjyer.
Discussion about this post