Nënkryetari i Partisë së Lirisë Petrit Vasili deklaron se parlamenti është kthyer në pazarin e gjësë së gjallë, ku qeveria nuk denjon as të mbrojnë në komisionet parlamentare projektligjet që ajo vetë harton.
Përmes rrjeteve sociale, Vasili denoncon se Komisioni Parlamentar i Shëndetësisë, është shndërruar në turp.
Postimi:
Komisioni Parlamentar i Shëndetësisë për turp.
Qeveria s’vjen të mbrojë as Projektligjet e veta dhe as Ministri, as zëvendësministri i Mbrojtjes nuk duken gjëkundi.
Nënkryetarja Klodiana Spahiu dhunon Rregulloren e Kuvendit dhe merr vendim personal, që lloj lloj individësh të vijnë e të mbrojnë ligjet e qeverisë.
Neni 38 pika 3 e Rregullores së Kuvendit është asgjësues dhe detyron Ministrin apo Zëvendësministrin të vijë në Komision.
Ja çfarë thote Rregullorja
” Diskutimi në parim bëhet gjithmonë në prani të përfaqësuesit të Këshillit të Ministrave”.
Por për rilindasit në Komision të Shëndetësisë, Komisioni Parlamentar është si mbledhjet e Kooperativave në kohë të Partisë së Punës.
E kanë katandisur Parlamentin si pazari i gjësë së gjallë dhe Kryetarja Lindita Nikolla rri e vështron.
Dhe kanë fytyrë e flasin për Rregullore këta dhe dënojnë deputetët e opozitës në emër të Rregullores.
Discussion about this post