Ish-anëtari i këshillit në qytetin e New Yorkut distrikti 13, Mark Gjonaj ka reaguar nëpërmjet një mesazhi në rrjetet sociale për fitoren e Nik Gjaloshjat në zgjedhjet e zhvilluara në qytetin e Tuzit në Malin e Zi.
Ndërsa shpreh urimin për fitoren e plotë të koalicionit“ Forumi Shqiptar” të udhëhequr nga Alternativa Shqiptare e kryetarit aktual të komunës së Tuzit, Nik Gjeloshaj, ai thekson se me këtë fitore shqiptarët do të jenë zot shtëpie.
Postimi i Mark Gjonaj:
Të dashur Malësorë, u ktheva ne New York me zemrën e mbushur plot. Komuna e Tuzit për shqiptarët është si Tirana, Prishtina, Shkupi e Presheva dhe do t’i mbrojmë si te shenjta sikur kisha e xhami. Me këtë fitore shqiptarët do të jenë zot shtëpie gjeneratë pas gjenerate që Malësinë ta mbrojmë të jetë gjithmonë shqiptare. Ju jeni krenaria e kombit tonë dhe shembull për trojet shqiptare!
Urime Malësorë!
Urime Diasporë!
Urime Nik Gjeloshaj me bashkëpuntorë!
Discussion about this post