Blogerja dhe ish-banorja e Big Brother Vip, Sarah Berisha do të prezantojë spektaklin e humorit në Abc News, “Kosherja” që do të rikthehet në sezonin më të ri.
Sarah i fitoi padyshim zemrat e publikut gjatë rrugëtimit të saj në reality show-n më të komentuar të momentit “Big Brother Vip”.
Ky lajm është bërë me dije nga vetë llogaria zyrtare në “Instagram” e programit të humorit “Kosherja show”
“Stafi i Kosheres njofton publikun se këtë sezon, spektakli do të ketë një moderatore të re. Ne i urojmë mirëseardhjen Sarah Berishës. Gjithashtu falenderojmë moderatoren Jona Spahiu për kontributin e dhënë.” -shkruhet në postimin e pak orëve më parë.
Nga ana tjetër, Sarah Berisha ende nuk ka reaguar në rrjete sociale dhe nuk ka zbuluar më shumë detaje rreth kësaj eksperience të re për të. Megjithatë, ajo e paralajmëroi këtë lajm në një video në “Instastory” të pak kohëve më parë, ku tha se do të kishte një projekt të ri shumë emocionues për të.
Discussion about this post