Ish-banorja e “Big Brother” bëhet nënë për herë të dytë (Foto)

Najada Konomi, ish-banorja e “Big Brother Albania 1” e njohur ndryshe si Noçja është bërë nënë për herë të dytë.

Ajo ka sjellë në jetë një djalë, i cili ka lindur përpara disa ditësh, por Najada e ka mbajtur lajmin të fshehtë gjatë kësaj kohe, derisa vendosi që ta ndante me të gjithë përmes një postimi në rrjetin e saj social “Facebook”.

Ditën e sotme, ajo ka publikuar disa fotografi që tregojnë momente nga shtatzënia ku shfaqet bashkë me vajzën dhe bashkëshortin me barkun e rrumbullakosur dhe një foto ku mban dorën e djalit.

Mes të tjerash ajo ka zbuluar se të birit i ka vendosur emrin Brendon.

“22.03.2022 Lindi Brendon. Në  fillim kishim njëri-tjetrin. Dhe tashmë ne kemi gjithçka. Kemi lumturinë, paqen, gëzimin e gjithë jetës. Kemi gjithçka që kishim kërkuar. Kemi ëndrrën e gjithë jetës mes duarve tona “- ka shkruar ajo.

Kujtojmë se, ish-banorja është larguar prej kohësh në Itali, ku jeton me partnerin e saj. Në tetor të vitit 2019, Noçja u bë nënë për herë të parë dhe solli në jetë një vajzë.