Arrestimi i ikonës së muzikës shqiptare, Elsa Lilës në Itali ku së bashku me 12 persona të tjerë trafikonin drogë midis provincave të Viterbos dhe asaj të Romës ka sjellë reagime të shumta.
Së fundmi ka reaguar dhe ish-banorja e “Big Brother”, Neda Balluku.
“Kush jemi ne, për të të gjykuar ty?! Elsa Lila, qenka shembulli i përkryer, se si kjo jetë qenka veç çështje fati. Preku zemrat e shqiptarëve diçka më shumë se 25 vite më parë, përtej këngëve të saj, me historinë e një fëmije që jeta i kishte grisur figurën e nënës nga vetja. Përse sot qenka ndryshe?! A nuk është Elsa Lila i njëjti fëmijë, pa nënë, por me përgjegjësinë, dashurinë dhe hallet e një nëne vetë?! A do mundim sot të hapim debatin, se si Elsa artiste, e talentuar, e bukur dhe me jetë në perëndim, nuk ja doli dot vetëm me kaq? A nuk mendoi një moment se ja doli për t’u zhgënjyer më keq akoma? Çfarë hallesh ka që moralit tonë kolektiv nuk u duken arsye për të gabuar! Përse kjo botë, nuk ka pará për artin si të Elsës dhe krimb në pará ata që u kërcasin sutjenat në skenë? Po ne, përse mezi presim rastin të kryqëzojmë? Përse nuk ditëm kurrë, të qëndrojmë larg urrejtjes?” u shpreh Neda.
Kujtojmë që shumë personazhe të njohur publik kanë reaguar për ngjarjen në fjalë ku disa u pozicionuan krahë këngëtares e të tjerët e kanë kritikuar rëndë.
Discussion about this post