Xhuliana Nura ishte vjet pjesë e Big Brother VIP Kosova dhe konsiderohej një nga lojëtaret më të preferuara të edicionit të parë. Ajo arriti deri në finale, por edhe pse nuk rrëmbeu çmimin e madh, asaj iu premtua një kontratë për reklamimin e një kompanie mielli në Kosovë.
Mirëpo, rreth një vit pas përfundimit të spektaklit, ajo kontratë jo vetëm që nuk u nënshkrua, por Xhuli thotë se produksioni i BBVIP as nuk i është përgjigjur.
Gjatë një interviste me “Artistët Shqiptarë”, Xhuli u shpreh: Mua nuk më janë përgjigjur ashtu siç e kam pritur. Unë e kam marrë hapin e parë dhe ata nuk janë përgjigjur ndaj meje. Unë mendoj që ka qenë thjesht një premtim koti, sa për sy e faqe. Ishte finalja e “Big Brother”, ia kanë futur kot dhe nuk u realizua kurrë. Nuk e kanë marrë seriozisht atë punë, unë për katër muaj që kam ndenjur jam munduar shumë, sepse ‘Big Brother’ është biznesi i tyre. Nuk jemi sqaruar dhe më vjen shumë keq, sepse unë e kam dashur atë imazh edhe unë u kam bërë shumë reklamë atyre. Doja ta përfaqësoja shumë mirë kompaninë e miellit!
Së fundmi, Xhuliana ishte pjesë e ‘Dancing With The Stars”, ku pas eliminimit pati edhe akuza ndaj produksionit, duke pretenduar se ia kanë premtuar fitoren Fifit.
Discussion about this post