Ish-deputeti i Partisë Demokratike, Endri Hasa, ka denoncuar me video se një person që ai e quan përfaqësues të Tom Doshit, mbledh firma për Kuvendin e datës 11 dhjetor të ish-kryeministrit Berisha.
Hasa shkruan në Facebook se është trishtuese që njerëz të lidhur me krimin mbledhin firma për Berishën, referuar këtu Përparim Kolaverit.
“Njeriu” i Tom Doshit është shtetasi Përparim Qemal Kolaveri, i cili është mes delegatëve që kanë firmosur pro mbajtjes së Kuvendit të 11 dhjetorit, thotë deputeti. Është trishtuese që sot persona të skeduar si të lidhur me krimin dhe ortakët e Edi Ramës në masakrën zgjedhore, Aqif Rakipi dhe Tom Doshi, ndërhyjnë që të mbledhin firma për Sali Berishën. Një ndër ta është edhe Përparim Kolaveri, përfaqësues i Tom Doshit që firmos si delegat për datën 11 dhjetor”, shkruan Hasa ndër të tjera.
Sipas tij, demokratët do të vazhdojnë betejën e tyre kundër regjimit të Ramës dhe tentakulave të tyre pranë PD-së.
Discussion about this post