Ish-deputeti demokrat, aktualisht anëtar i Kryesisë së PD-së, Endri Hasa mendon që rikthimi i Berishës në kryer të PD është i pamundur. Përmes një postimi në Facebook, ai iu kërkon demokratëve që të ndahen nga Sali Berisha dhe të vijojnë rrugën me Lulzim Bashën, që sipas tij është e ardhmja dhe rruga e duhur për të ardhur në pushtet.
“Demokratët s’po zgjedhim mes dy botëve por mes të shkuarës dhe të ardhmes! Sali Berisha është pjesë e historisë së familjes tonë politike por asesi nuk mund të jetë rruga përmes së cilës ne duhet të shohim të ardhmen.
Këtë duhet ta kuptoj çdo demokrat përtej mjegullnajës së qëllimshme të krijuar nga ata që edhe 8 vitet e opozitës nuk i rehabilituan për të shpërlarë llumin e abuzimit me pushtetin kur ne ishim në qeverisje. Sot është jo vetëm në interes të demokratëve por fillimisht të shqiptarëve që politika të gjej paqe dhe të pastrohet nga llumi i tranzicionit dhe nga njerëz që këto 30 vjet e kanë parë politikës si instrument për tu pasuruar përmes paligjsmërisë, abuzimit me pushtetin dhe bashkëpunimit me krimin e organizuar”, shkruan ia.
Sipas Hasës, demokratët vetë i besuan Bashës drejtimin e partisë 4 vjet më parë, tani duhet të ecin përkrah me të dhe jo ta sulmojnë. “Demokratët i besuan 4 muaj më parë, Lulzim Bashës drejtimin e PD dhe përballjen me regjimin. Përtej mjegullës dhe shfrytëzimit të emocioneve, PD është dhe do të mbetet një e vetme dhe vendi do të eci përpara”, shkruan ai.
Me zhvillimin e “Foltoreve” Berisha demokratët janë përçarë, një pjesë mbështet Bashën dhe një pjesë ish-kryeministrin. Kjo gjë nuk po i shërben PD, përkundrazi po sjellë krizë.
