Ish deputeti Nard Ndoka ka reaguar për faljen që kërkoi kryeministri Edi Rama për statusin e bërë prej tij në lidhje me investitorin arab që do ndërtojë Portin e Durrësit.
Në një postim në rrjetet sociale, Ndoka thotë me ironi se “KM i ka këmbët e gjata, por gënjeshtra të shkurta!”.
Kujtojmë se një postim në Twitter i kryeministrit ditën e enjte lidhur me projektin e investitorit arab Alabbar në Zagreb të Kroacisë, bëri bujë pasi në të vërtetë rezultonte se ai projekt nuk ishte zhvilluar kurrë.
Qytetarët kroatë dhe opozita atje ishin ngritur dhe kishin arritur të fitojnë duke rrëzuar vendimin e kryebashkiakut të Zagrebit, për projektin që kishte shumë mister brenda.
Sot, kryeministri Rama në përgjigje të gjithë reagimeve që pati në media, ka bërë një postim në Twitter, për të kërkuar ndjesë për gabimin.
Discussion about this post