Selami Jenisheri, i cili për rreth dy vite mbajti mandatin e deputetit, pas djegies së mandateve nga deputetët e opozitës, i është drejtuar me një letër kreut të FSHF-së, Armand Duka, në prag të ndeshjes me Çekinë.
Jenisheri, i cili kujtohet për gallatat dhe batutat në sallën e Kuvendit, duket se ka marrë shumë seriozisht rolin e një këshilluesi lidhur me skemat që duhet të aplikojë kombëtarja shqiptare ndaj çekëve në takimin e 12 tetorit.
Madje Jenisheri thotë se ka çelësin e suksesit, ndërsa i kërkon kreut të FSHF që t’a presë në një takim, për të thënë më shumë detaje.
Jenisheri shkruan se nëse lojtarët e Shqipërisë mësojnë rregullat e stërvitjes së tij i bën lojtarët që të driblojnë nga 2-3 kundërshtarë rresht, janë tepër të saktë në gjuajtjen me kokë, bombardues e super të saktë në pasime dhe gjuajte, si dhe të pa kalueshëm në mbrojtje dhe kjo do të na japë një fitore.
ish-deputeti shton se ajo që di ai është shumë herë më e lartë nga ajo që di stafi i kombëtares, teksa bën me dije se po shkruan një libër që do të jetë progres në rang të literaturës botërore të futbollit.
Discussion about this post