Ish-deputetja e LSI-së, Silva Caka, ka komentuar sot situatën dhe skandalet që kanë shpërthyer në lidhje me inceneratorin e Elbasanit. Përmes një interviste televizive ajo tha se hetimi për inceneratorin e Elbasanit është vetëm maja e ajsbergut. Sipas Cakës, të tjerë persona duhen vënë nën hetim për çështje edhe më të mëdha, ndërsa përmendi edhe disa emra, që sipas saj duhet të vihen menjëherë nën hetim.
“Ka shumë problematika të tjera, ka edhe persona që duhen vendosur nën hetim. Janë të përfshirë janë Edi Rama, Erion Veliaj, Armando Subashi dhe Alqi Bllako, ish-sekretari i Përgjithshëm në Ministrinë e Mjedisit”, tha ajo.
Caka tha se vendimet për inceneratorët janë marrë në bashkëpunim me qeverinë dhe duhet të vijojnë hetimet për të gjithë zyrtarët e përfshirë. “LSI ka bërë padi për të tre inceneratorët, të Tiranës, Elbasanit, Fierit, kanë të njëjtën skemë mashtrimi. Koka e të gjithës është sigurisht kreu i qeverisë”, nënvizoi ajo. Sipas ish-deputetes, akuza që duhet të ngrihet për Edi Ramës është ajo e “shpërdorimit të detyrës”.
Discussion about this post