Disa ish-deputetë të Lëvizjes Socialiste për Integrim i janë bashkuar Partisë Socialiste në zgjedhjet e 25 prillit. Ndërsa e fundit në radhë mesa duket është ish-deputetja dhe ish-ministrja e LSI-së, Nora Malaj që i është bashkuar Partisë Socialiste. Në një postim në Facebook, Posta Shqiptare tregon takimin e saj me drejtorin e Postës Shqiptare, Ervin Bushatin, me të cilin bisedoi për shërbimet ndaj qytetarëve në zyrën e Këshillimit.
“Bashkë me mikeshën dhe pedagogen Nora Malaj diskutuam ndërmarrjen e sfidave të reja në emër të zyrës së Këshillimit. Nevoja për t’u shërbyer qytetarëve & për t’i bërë institucionet sa më fleksibël në interes të moshimit dhe shërbimeve të dedikuara për ta. Krijimi i një fryme komunikimi në kuadër të transparencës ndaj klientëve tanë” – shkruhet në postimin e Postës Shqiptare.
Mesa duket Malaj do të fillojë një bashkëpunim me administratën e Ramës, kundërshtarin e saj të dikurshëm. Kujtojmë se në zgjedhjet parlamentare të vitit 2017-ës, kryeministri Edi Rama e imitoi në formë tallëse Malën në një prej takimeve elektorale.
Discussion about this post