Ish-deputetja e Partisë Socialiste, Mimoza Hafizi i është bashkuar protestës së sotme të pedagogëve që ka nisur nga Korpusi Universitar në javën e dytë të bojkotit të vitit të ri akademik. Hafizi, e cila është edhe pedagoge në departamentin e Fizikës. është parë në krah të kolegëve të saj në protestë.
Pedagogët kanë dalë sërish sot në një protestë kombëtare për plotësimin e kërkesave të tyre drejtuar qeverisë, teksa shënohet dita e gjashtë e bojkotit. Pedagogët kanë deklaruar nëse nuk do të ketë rritje të pagave, ata do të vijojnë protestën.
Ata kërkojnë rritje page dhe kushte më të mira, ndërsa qeveria ka vendosur një rritje deri në 15%. Kjo është e papranueshme për stafin akademik që thekson se rritja duhet të jetë minimalisht sa në Kosovë apo vendet e tjera të rajonit.
Discussion about this post