Ditën e enjte u zhvillua në mëngjes në Gjykatën e Barcelonës seanca për lirimin e futbollistit brazilian Dani Alves, i cili ndodhet në paraburgim prej 20 janarit, i akuzuar për abuzim seksual me një vajzë 23-vjeçare më 30 dhjetor. Në këtë seancë morën pjesë mbrojtja dhe prokurori e çështjes.
Seanca zgjati dy orë dhe u mbyll pak pas orës 12:00 të drekës. Prokurori ka shqyrtuar faktet dhe barrën e provave ndaj Dani Alvesit.
Martell, avokati i Alves, ka paraqitur dy raporte nga dy kompani që futbollisti hapi në Barcelonë, duke dëshmuar rrënjët e tij në kryeqendrën e Katalunjës me pretendimin që nuk ka rrezik arratisjeje, shpjegoi Mayka Navarro, në portat e Gjykatës së Barcelonës.
Ndërhyrja më e gjatë dhe më interesante gjatë seancës, siç shpjegojnë mediat spanjolle, ka qenë ajo e Ester Garcias, avokates së viktimës.
Ajo është shprehur se modeli i viteve të mëparshme nuk i bën dobi Dani Alvesit dhe se futbollisti ka ekonomi të mjaftueshme që të arratiset me avion privat e dokumente të falsifikuara.
Nëse Gjykata vepron shpejt, do të thotë vendimi do të jetë pro lirisë me kusht të akuzuarit, sepse është një e drejtë themelore. Ka të ngjarë që vendimi të merret brenda kësaj të enjteje.
Discussion about this post