Një regjistrim audio i një bisede midis kreut të Federatës së Futbollit të Kamerunit, Samuel Eto’o, dhe presidentit të një prej klubeve kamerunase, u bë objekt diskutimi pasi u bë publik gjatë kësaj jave.
Sipas raportimeve të mediave, në audio, Eto’o i thotë presidentit të ekipit nga divizioni i dytë, Victoria United, se klubi duhet të arrijë në divizionin e parë. Një fragment nga biseda është publikuar në format teksti.
“Qëllimi ynë është që Victoria United të ngrihet më lart. Jemi katër, klubi do të jetë në krye”, citohet Eto’o nga Sports News Africa.
Ish-lojtari 42-vjeçar i Real Madridit, Mallorcës, Barcelonës, Interit, Anzhit, Chelseat, Evertonit, Sampdorias dhe klubeve të tjera ka qenë në krye të federatës së Kamerunit që nga dhjetori i vitit 2021.
Si futbollist, Eto’o ka patur një karrierë shumë të suksesshme, në Europë, duke fituar plotë tre herë, trofeun e UEFA Champions League, pa harruar dhe kupat e ligat e ndryshme të fituara, me klubet ku është aktivizuar.
Discussion about this post