Klubi i Partizanit ka bërë pak lëvizje në dalje në merkato, pasi të kuqtë ishin të fokusuar që të ruanin grupin me të cilin dolën kampion. Por një nga emrat e paktë që u largua nga kryeqytetasit, ishte sulmuesi Remzifaik Selmani.
Futbollisti kishte dëshirën që të bëhej pjesë e rëndësishme e projektit të të kuqve, por me mosaktivizimin e tij në ndeshjet ndaj BATE Borisov, mes palëve pat një krisje dhe ai kërkoi largimin nga të kuqtë. Akordi u gjet shpejt dhe palët ndërprenë marrëveshjen e bashkëpunimit që kishin nisur vetëm në janarin e këtij viti.
Megjithatë, për Selmanin kjo mund të ketë qenë në fakt një ndihmë e papritur për karrierën e tij pasi nga Maqedonia e Veriut raportojnë se sulmuesi shumë shpejt do të prezantohet në kampionatin turk. Ai është shumë pranë finalizimit të kontratës me klubin e Bodrumspor në ligën e dytë turke dhe do të vazhdojë atje karrierën e tij./PanoramaSport
Discussion about this post