Lituani ka bllokuar mallrat e sanksionuara nga BE-ja që të arrinin në enklavën ruse të Kaliningradit. Ky veprim ka bërë që Moska të kërcënoi vendin e NATO-s.
Sekretari i Këshillit të Sigurimit të Rusisë, Nikolai Patrushev tha se Moska do t’i përgjigjet së shpejti masës së Lituanisë për të bllokuar dërgesat e qymyrit, metaleve, materialeve të ndërtimit dhe teknologjisë së avancuar nga kontinenti i Rusisë në Kaliningrad.
“Rusia me siguri do t’i përgjigjet veprimeve të tilla armiqësore. Masat përkatëse janë duke u përpunuar në formatin ndërinstitucional dhe do të merren në të ardhmen e afërt”, mësohet të ketë thënë Patrushev, një ish-spiun i KGB-së.
“Pasojat e tyre do të kenë një ndikim serioz negativ në popullatën e Lituanisë”, shtoi ai në një paralajmërim që vjen pasi gjenerali rus në pension Evgeny Buzhinsky i kërkoi Putinit të dërgonte armë bërthamore në enklavën e tyre.
Ndërkohë, sa i përket gjeneralit Evgeny Buzhinsky, ai i tha televizionit shtetëror rus se Perëndimi po luan me zjarrin dhe se vendimi i Lituanisë për të ndaluar dërgimin e mallrave të sanksionuara në Kaliningrad, ishte një “kërcënim” për sigurinë kombëtare të Rusisë.
Discussion about this post