Ish-gjenerali i Forcave të Armatosura, Bardhyl Kollçaku rendit arsyet pse NATO është e interesuar për baza ushtarake në Shqipëri. Kollçaku komentoi mundësinë e një baze ushtarake të NATO-s në Porto Romano të Durrësit dhe tha se vendet me të cilat kufizohet Shqipëria kanë influencë ruse. Sipas tij, në Greqi dhe Bullgari ka asete dhe prezencë ruse dhe kjo është një nga arsyet që NATO kërkon baza në vendin tonë.
“Po të shikojmë në kufirin jugor ne kemi Greqinë, Baza e Pierut zotërohet 100% nga kinezët. Baza e Selanikut 70% nga asetet ruse, Portet e Varnës në Bullgari apo të Kostancës, që ka prezentë ruse, Durrësi plotëson jo vetëm sigurinë dhe aksesin tokësor më të shkurtër për të përforcuar me forca dhe mjete trupat në kufirin lindor të aleancës. Me vendimin e ri do të kemi shtim të vendeve” – u shpreh Kollçaku.
Discussion about this post