Blerja më e re e Lazios, francezi Mateo Guendouzi ka folur në konferencën për shtyp, ku u prezantua zyrtarisht si lojtar i klubit kryeqytetas duke zbuluar arsyen pse zgjodhi të vinte në Itali:
“Zgjodha Lazion para së gjithash sepse është një klub i madh si në nivel italian dhe europian, me një histori të madhe.
Ata kanë fituar shumë trofe në të kaluarën. Kjo është ajo që doja, të jem pjesë e një klubi të madh brenda të cilit mund të vazhdoj të përmirësohem.
Unë me të vërtetë do të doja të fitoja diçka me Lazion. Është gjithashtu fakti që kam një trajner shumë të mirë si Sarri që më shtyu te vij sepse përveç aspektit njerëzor, ndajmë të njëjtën filozofi futbolli dhe të njëjtat ide loje.
Sarri për mua është një trajner shumë i mirë pasi do më ndihmojë të përmirësohem dhe të rritem. Është e qartë se jam shumë i ri dhe me të do të jem në gjendje të përmirësohem shumë”, u shpreh mesfushori që më parë është aktivizuar në skuadra si Arsenali dhe Olimpik Marseja.
Discussion about this post