Një nga futbollistët që ka bërë (në mënyrën e tij) historinë e Realit të Madridit është pranë marrjes së “vendimit ekstrem”, përsa i përket të ardhmes së tij futbollistike.
Eden Hazard është gati të shpallë tërheqjen e tij. Për këtë flet Daily Mail në faqet e saj, duke iu referuar Get Football News France.
Hazard, i cili është pa ekip, mund të varë këpucët në gozhdë në moshën 32-vjeçare pas largimit nga Real Madrid.
Belgu ka qënë një nga lojtarët më të mirë të dekadës së viteve 2010, duke bërë paraqitje të mira te Lille dhe sidomos te Chelsea, ekip në të cilin u transferua në 2012.
Pa sukseseve të shumta, në Londër, në vitin 2019, Eden Hazard kaloi te Real Madrid me statusin e një ylli të madh.
Megjithatë, në Madrid, Hazard nuk ishte në gjendje të shkëlqente për shkak të problemeve fizike dhe dëmtimeve të shpeshta, duke triumfuar megjithatë, në La Liga (2 herë), Kupën e Mbretit si dhe në Champions League.
Discussion about this post