Ish-kandidati për bashkinë e Kuçovës, Lefter Maliqi paraqitet në SPAK

Ish-kandidati i koalicionit “Bashkë Fitojmë”, Lefter Maliqi është paraqitur ditën e sotme pranë ambienteve të SPAK.

Sipas raportimeve, pas daljes nga ambientet e prokurorisë, Maliqi do të japë një deklaratë për mediat për kryebashkiakun e Kuçovës që ka rezultuar i dënuar.

Ish-kandidati i koalicionit “Bashkë fitojmë” për bashkinë e Kuçovës, Lefter Maliqi, është thirrur edhe më herët në SPAK në cilësinë e kallëzuesit.

Maliqi kundërshtoi rezultatin e zgjedhjeve në bashkinë e Kuçovës dhe kallëzoi në SPAK pretendimet e tij për manipulimet e bëra.

Në një deklaratë të dhënë më 19 maj, Maliqi tha se ka depozituar në SPAK faktet e dokumentuara për tjetërsimin e vullnetit të zgjedhësve.