Spitali Universitar i Traumës ka reaguar pas letrës së hapur të ish- këshilltarit të Etilda Gjonaj për kryeministrin Edi Rama. Toni Daans ka shprehur në këtë letër shqetësimin për sistemin shëndetësor në vendin tonë pas një incidenti që i ndodhi. Ai ka treguar se në spital mungonin kushtet bazë si fasho ujë, madje dhe mjekët ishin të pakët. Ai nuk ka ngurruar të thotë se kushtet në këtë spital shqiptarë janë mjaftë të mjerueshme dhe njerëzit atje vdisnin kot.
Këto kritika Spitali i Traumës nuk i ka pranuar, madje ka thënë në një deklaratë publike është respektuar çdo protokoll për trajtimin e Daans, përfshirë konsultat me mjekun dhe rezultoi pa probleme neurologjike apo neurokirurgjikale.
“Pasi i janë bërë ekzaminimet radiografike të kokës, hundës dhe krahut, ka rezultuar vetëm dëmtim i kokës së radiusit (brrylit) që është trajtuar në mënyrë konservative, me imobilizim me gips, mbajtja e të cilit është rekomanduar për 3 javë, e më pas fizioterapi. Janë përpunuar plagët nga Kirurgu i Përgjithshëm, Dr. Dritan Çobani, duke përdorur instrumente dhe set mjekimi emergjence të standardizuar njëpërdorimësh, me barkode të ruajtura sipas rregullit, sete të cilat përdoren në të gjitha spitalet, sipas standardeve më të mira.
Pacientit në fjalë i është aplikuar gjithashtu serumi antitetanik. Gjithashtu, është realizuar konsulta nga neurokirurgu Dr. Asllan Sela, nga e cila ka rezultuar pa probleme neurologjike apo neurokirurgjikale. Pacienti është larguar bashkë me shoqëruesin në orët e para të datës 17.04.2022. Mjekët dhe personeli referojnë se pacienti është larguar falenderues për shërbimin e marrë. Daans është rikthyer në mëngjesin e datës 17.04.2022 në SUT, në gjendje të përgjithshme shumë të mirë, pa ankesa, duke referuar se i duhej të udhëtonte me avion. Dr. Asllan Sela, neurokirurg, e ka riekzaminuar dhe e ka pajisur me vërtetim me të dhënat mjekësore, diagnozën dhe që mund të udhëtonte pa probleme, vërtetim i cili është printuar dhe i është dorëzuar kërkuesit”, thuhet në sqarimin e Traumës, ama në asnjë moment nuk flitet nëse vërtet spitali ka mungesë fashosh, uji dhe higjiena nuk është në standardet e duhura. Sakaq, vlen të përmendet se vetë kryeministri Edi Rama nuk i është përgjigjur letrës .
Discussion about this post