Disa ditë më parë, nga një sulm i bërë me raketa nga ukrainasit, Rusia ka humbur anijen “Moskva”.
Ditën e sotme, komentatori politik dhe ish-këshilltari i Vladimir Putin, Sergei Markov raporton se raketa që goditi dhe fundosi luftanijen ruse Moskva ishte nga NATO dhe ishte dërguar në Ukrainë që në muajin janar.
Gjithashtu, eksperti i politikës së jashtme, i lidhur me Kremlinin dhe shpesh i pranishëm në mediat perëndimore, e bëri deklaratën në një intervistë të dhënë për BBC.
Së fundmi, Markov pranoi se humbja e anijes ishte një pengesë për marinën ruse, por e justifikoi atë duke shpjeguar se ushtria ruse duhet të merret jo vetëm me Ukrainën, por me një koalicion vendesh ku përfshihen edhe Shtetet e Bashkuara të Amerikës.
Kujtojmë se, anija ishte ende në gjendje të lëvizte edhe pas shpërthimit. Ajo ishte nisur në lindje, në drejtim të Sevastopolit, për t’u riparuar atje.
Fundosja e anijes “Moskva” është një nga humbjet më të mëdha materiale për ushtrinë ruse që nga fillimi i sulmit ndaj Ukrainës më 24 shkurt. Anija “Moskva” është ndërtuar në kohën sovjetike, së bashku me anijet e tjera të Flotës së Detit të Zi. Ato kanë bllokuar portin jugor të Ukrainës, Mariupol.
Discussion about this post