Skena të çmendurisë së tifozëve në stadiumin Rigamonti të Brescias, pas barazimit 1-1 në takimin e kthimit të play-out-it të Serisë B mes Brescia dhe Cosenza.
Pas golit të avantazhit të bluve të realizuar nga Bisoli, barazimi i Cosenzas vjen në ekstremet e kohës shtesë dhe dënon “Rondinelat” me zbritje në Serinë C.
30 sekonda nga fundi i ndeshjes shpërthen zemërata e tifozëve vendas: hedhje masive tymuesish në fushë në zonën e skuadrës kalabreze dhe pushtimi i fushës nga tifozët që i detyron lojtarët të strehohen në dhomat e zhveshjes dhe arbitri të pezullojë ndeshjen.
Situatë mjaft e tensionuar me ndërhyrjen e forcave të rendit për të qetësuar tifozët e Brescias, më pas, shumë minuta më vonë u kthye qetësia dhe skuadrat u kthyen në fushë.
Pas përfundimit të takimit, të shumta kanë qënë kritikat për skuadrën e Brescias, sidomos për sezonin e dobët që çoi deri në këtë katastrofë sportive. Në qytetin e njohur lombard, pritet që të fillojë puna sa më shpejt për rikthimin, në nivelin e dytë të futbollit italian.
Kujtojmë që në fillim të viteve 2000, te ky klub janë aktivizuar lojtarë, të njohur si Roberto Baggio, Dario Hubner, Andrea Pirlo, Igli Tare, Pep Guardiola dhe Daniele Adani.
Discussion about this post