Aktori i humorit dhe këngëtari Olsi Bylyku ishte i ftuar mbrëmjen e djeshme në një koncert në Tiranë. Teksa ai po performonte, ish-konkurrentja e emisionit të dashurisë “Për’puthen 1”, Ina Kollçaku i ka hedhur reçipetat në skenë.
Lidhur me veprimin e çuditshëm Olsi Bylyku ka reaguar me humor se mos ndoshta e kanë ngatërruar me Malumën.
“Kush i ka hedhur këto, mos i ka hedhur ndonjë çun, ore mos më keni ngatërruar me Malumën, nejse po i lë aty hajde merreni nga ora 4.”
Kujtojmë se Olsi ishte i shoqëruar në koncert edhe nga e fejuara e tij, Egli Tako e cila u shfaq edhe nën shoqërinë e konkurrentes së “Për’Puthen”.
Nga ana tjetër, vetë Ina Kollçaku ka shpërndarë fragmentin në rrjetin e saj social Instagram ku shkruan: “Më tha as te Maluma s’ke shkuar, këtu do vish. Duhet të bëja diçka.”
Hedhja e reçipetave në koncerte po bëhet tashmë një trend, veçanërisht në koncertet e këngëtarit kolumbian, Maluma.
Gjithashtu, kujtojmë se kur ai performoi në vendin tonë, në kuadër të turit “Papi Juancho”, një nga fanset e tij i hodhi një palë reçipeta në skenë, të cilat ai i vari në mbajtësen e mikrofonit.
Discussion about this post