Ish-kreu i bashkisë Kavajë Elvis Roshi është paraqitur këtë të Hënë në SPAK, ku ka qëndruar vetëm 15 minuta. “Veprime të zakonshme, absolutisht asnjë akuzë”, ishte fjalia e vetme që tha ai për gazetarët.
Vitin e shkuar, GJKKO urdhëroi SPAK të regjistrojë hetimet ndaj tij, i dyshuar në dhënien e disa tenderave në kohën që ishte drejtues bashkie. Ai dyshohet se ka konsumuar veprën penale të “shpërdorimit të detyrës” dhe “shkelja e barazisë në tendera”. Hetimet janë nisur me bazë kallëzimin e bërë nga KLSH pas një auditi në Bashki në vitet 2013-2014.
Ndryshe nga herët e shkuara, ai u paraqit sot bashkë me avokatin e tij mbrojtës.
Elvis Roshi, mori drejtimin e Bashkisë së Kavajës në zgjedhjet lokale të vitit 2011 dhe qëndroi në krye të kësaj bashkie deri në vitin 2016, ku dha dorëheqjen për shkak të akuzave se kishte falsifikuar formularin e vetëdeklarimit.
Discussion about this post